طريقة عمل الكيكه الاسفنجيه بطريقه صحيحه مجربه

طريقة عمل الكيكه الاسفنجيه بطريقه صحيحه مجربه

السلام عليكم

الي كل ست بيت
نفسها تعمل الكيكه الاسفنجيه 
بشكل صحيح وبطريقه مجربه 
جبتلكم الطريقه الصحيحه عن تجربه

واترككم مع المشاهده من هذا الرابط

https://www.youtube.com/watch?v=5NBSaduVtdM

اقرء المزيد

احلى سمبوسة ممكن تاكليها جربى ودوقى

احلى سمبوسة ممكن تاكليها جربى ودوقى

بتحبى السمبوسة بس مابتطلعش معاكى مظبوطة

تعالى وشوفى معانا احلى سمبوسة ممكن تاكليها  مقاديرنا كلها متوفرة وطريقتنا سهلة وسريعة والذ طعم هتدوقيه مش مصدقة جربى وشوفى

المقادير

مقادير العجينة

3كاسات كبيره دقيق أبيض.

2/1 كأس كبير سمنة فارم أو زيت .

ملح

من 2/1 الى 4/3 كأس ماء دافئ.

الحشوة:

2/1 كيلو لحمه مفرومه .

2بصلتين مبشورتين .

2 بيضتين مسلوقه .

2/1 حزمه بقدونس .

2/1 حزمه شبت .

فلفل أسود .

ملح.

طريقة

ينخل الدقيق في وعاء عميق مع ذره الملح و يضاف الزيت أو السمنه و الماء

و تعجن العجينه جيدا و تغطى و تترك لمده ساعه تقريبا.

تخلط اللحمه المفرومه بالبصل و البهارات في مقلاه على النار مع تقليبه جيدا حتى يجف الماء و ينضج .

يسلق البيض و يبشر مع اللحمة.

يفرم البقدونس الى قطعا صغيره جدا و كذلك الشبت يقطع الى قطعا صغيره و يضاف اللحمه المفرومه .

تقسم العجينه الى كور صغيره ثم تفرد بالنشابة و تحشى بمقدار ملعقة طعام لكل دائره و تقفل

جيدا و تضفر أو تقطع بقطاعه السنبوسك ثم توضع في صينيه مدهونه بالزيت

ثم بعد ذلك تقلى في الزيت الحار ثم توضع على ورق نشاف

ودوقتى احلى سمبوسة فى الدنيا عمايل ايديكى واعزمى عليها ال بتحبيهم

سمبوسة من الاخر

شاهد الفيديو من هنا

https://www.youtube.com/watch?v=PcDFTuQNfzo

اقرء المزيد

اللى بيحبوا الشكولاته شافوا نافورة الشكولاته دى ؟؟؟ هنا فى الفيديو

اللى بيحبوا الشكولاته شوفتوا نافورة الشكولاته دى ؟؟؟ هنا فى الفيديو

السلام عليكم ورحمة الله وبركاته
الى كل عشاق ومحبى الشكولاته 
حبيت اجبلكم حاجه تشوقكم اكتر للشكولاته

انا عارفة ان اللى بيحبوا الشكولاته لو شافوا قطعة صغيره بيتجننوا عليها
فما بالكم بقى لو شافوا نافورة الشكولاته دى
يلا تعالوا نشوفها سوه

لمشاهدة الفيديو من هنا
https://www.youtube.com/watch?v=SMC4I13hQDw

اقرء المزيد

هنعمل كبده احلى من بتاعة الاسكندرنية كمان تعالوا اعرفوا طريقتها

هنعمل كبده احلى من بتاعة الاسكندرنية كمان تعالوا اعرفوا طريقتها

النهارده بقى عملت طبق كبده مش هقول عليها اسكندرنى هقول طبق كبده احلى من الاسكندرانى وده المسمى الجديد لطبق الكبده ده فحبيت اعرفكوا الطريقة وان شاء الله هتعجبكوا جدا وهتدعولى

المكونات1/2 كيلو كبدة
3 ملاعق كبيرة خل
ملح، فلفل أسود، كمون (حسب الرغبة)
3 ملاعق كبيرة ثوم مفروم
شطة بودرة (حسب الرغبة) (اختياري)
1 حبة فلفل أخضر مقطعة حلقات
عصير ليمون
زيت او سمنه حسب الرغبة

الطريقه  تقطع الكبدة حسب الرغبة .
يخلط الثوم والخل والكمون والملح والفلفل الأسود والشطة ونتبل بها الكبدة.
تترك الكبدة في الثلاجة 1/2 ساعة على الأقل حتى تتشرب التتبيلة.
يحمى الزيت او السمنه ( انا عملتها بسمنه بلدى :) مش كتير علشان منتخنش ) في قدر ثم تضاف فوقه الكبدة وتقلب .
تخفض حرارة النار ويضاف الفلفل ليكمل النضج مع الكبدة.
يغطى القدر ويترك ربع ساعة.
بعد ربع ساعة يرفع الغطاء حتى تتشرب ماءها وتتحمر.
توضع فى طبق التقديم وترش بعصير الليمون وهو ضرورى لمذاق الكبدة الاسكندرانى.

يلا تابعونى علشان تعرفوا وصفاتى البسيطه اللى ممكن تعملوها بسهوله وان شاء الله تعجبكم

اقرء المزيد

اوعى ترمى قشر البرتقال والليمون بعد انهارده....

اوعى ترمى قشر البرتقال والليمون بعد انهارده....
 
 من المعروف اننا نقوم برمى قشر  البرتقال والليمون فى سلة المهلات  ولكن من اليوم يمكن استغللى قشر البرتقال والليمون لما بهما من فوائد كثيرة فى استعمالات المنزل العصرى ..

من فوائد قشر البرتقال والليمون .

التنظيف المنزلي: هل تعرفين أنّك تستطيعين استخدام قشور الليمون والبرتقال كاسفنجة للتنظيف والتلميع؟! فقبل أن تجفّ قشرة الليمون تحتوي على زيوت طبيعية مثالية لتلميع البورسلان والستاينلس ستيل.

• التعطير: في أسفل سلال المهملات ضعي قطعة صغيرة من قشر البرتقال قبل أن تضعي كيس النايلون، كي تحافظي على رائحة نظيفة في المطبخ والمرحاض، لأنّ هذه القشرة تمتصّ الروائح الكريهة.
• تقشير البشرة: لفّي قشرة برتقال في شاشة طبيعية وافركي بها بشرتك حيثما تريدين تقشيرها خلال الاستحمام، وستكتشفين الاشراقة التي ستتحلين بها بعدها. يمكنك أيضاً الاستعانة بالسكّر مع القشور لنتيجة أكثر فاعلية.

• تهدئة الأعصاب: ثبت طبّياً أنّ الزيوت الطبيعية المستخرجة من قشور البرتقال تهدّئ الأعصاب وتساعدك للتخلّص من الشعور بالكآبة. للحصول على هذه النتيجة، اغلي قشور البرتقال الطازجة واشربيها من دون سكر.
• إبعاد الحشرات: لحسن حظّك أنّ الحشرات تكره رائحة وطعم "الليمومين"، مادّة طبيعية موجودة في كلّ الحمضيات. لذا لإبعاد الذباب والبعوض افرمي قشور الليمون الطازجة وانثريها في الأمكنة الأكثر عرضة لتجمّعها.

• تلميع الخشب: بواسطة الجانب الأبيض لقشرة البرتقال يمكنك أن تفركي القطع الخشبية وخصوصاً في الأثاث على ألا تلمسي الأقمشة وبعدها استعيني بقطعة قماش نظيفة لا تترك وبراً للتلميع النهائي

اقرء المزيد

هنعمل الفتوش زى ما بيعملوه السوريين بالظبط

هنعمل الفتوش زى ما بيعملوه السوريين بالظبط

جبتلكم النهارده طريقة عمل الفتوش
المقادير:

عدد 2رغيف خبز عربي

1/2 كيلوطماطم

1/2 كيلوخيار

3 فصوص ثوم مدقوق

4 ضلوع بصل اخضر

عدد 1بصل

عدد 2عصير ليمون

مقدارملح1/2 ملعقةنعناع جاف

3 ملاعق خل كبيرة

1/2 كوب زيت زيتون

عدد 1حزمة نعناع اخضر

عدد 1حزمة بقدونس

عدد 1حزمة البقلة

عدد 1حبة فلفل اخضر

1/2 ملعقة السماق 

مقدارحبات زيتون اسود

التحضير:

تغسل الخضر.
يقشر الخيار و الطماطم و الفلفل و البصل ثم يقطعوا تقطيعا رفيعا قدر الامكان .
يورق النعناع و البقلة و تقطع اوراقهما رفيعا جدا ايضا.
ينظف البقدونس و يقطع ثم يغسل مع النعناع و البقلة بعد تقطيعهما.
يصفى الكل في مصفاة.
يقلب الثوم مع الملح و الزيت و الخل و النعناع الجاف و الليمون و السماق (مسحوقه).
يحمص الخبز و يقطع الى قطع صغيرة او يقطع و يحمص (كما تحبين).
تقلب الخضر مع بعضها و يضاف اليها نصف كمية الخبز.
تتبل الخضر و الخبز بخليط الثوم و الخل و الملح ......... الخ.
يقدم الفتوش مزينا بحبات الزيتون و باقي الخبز المحمص.

اقرء المزيد

اسهل طريقة ممكن تخزنوا بيها البطاطس من غير ما تسود

اسهل طريقة ممكن تخزنوا بيها البطاطس من غير ما تسود

السلام عليكم ورحمة الله وبركاته
انا النهارده جيبتلكم طريقة لتخزين البطاطس تحفة
كتير مننا بيجيب البطاطس ولما بيجى يخزنها بتسود ونرميها ومبنكونش عرفين السبب ايه
النهارده بقى جبتلكم الطريقة السليمة لتخزين البطاطس 

الطريقةقطعي البطاطس حسب متحبي طويل او اي شكل
وتقومي تحطيه ف ميه بخل مده طوييييلة جدا جدا جدا يعني قد ما تقدري تمام؟
وتقومي مصفياه من المياه بعد شوية وتسيبيه ينشف لوحدة ف الطبق
وتقومي حطاه ف كيس ف الفريزر او مثلا علبه بلاستيك
وبجد زي ماهيا تجنن ومن غير ما تحميرها او تشليها نص سوه 

وان شاء الله هتعجبكم 

وجربوا وادعولى

اقرء المزيد

طريقة عمل سندوتشات فاهيته الدجاج اللذيذه وبسرعة

طريقة عمل سندوتشات فاهيته الدجاج اللذيذه وبسرعة 

هنعمل سندوتشات فاهيته الدجاج النهارده والمفادير دى هتكفى خمس اشخاص ان شاء الله وبتاخد 20 دقيقة بس فى التحضير و 15 دقيقة على النار يعنى فى نص ساعه وخمس دقايق تكونى عملتى احلى سندوتشات
المقادير:

1/2 كيلوفراخ بانيه

عدد 2بصلة متوسطة

4 ثمرات فلفل أخضر

مقدارملح وفلفل وكاري

1 ملعقة زيت ذرة كبيرة

التحضير:

يقطع البانيه لشرائح رفيعة بعرض القطعة.
يقطع البصل والفلفل الأخضر حلقات.
الطبخ:

1- توضع ملعقة الزيت في الحلة وتترك لتسخن.
2- يوضع البانيه المقطع ويقلب ثم تقلل النار من تحته.
3- عندما يخرج البانيه ماءه يضاف البصل والفلفل والتوابل ويقلب حتى يكتمل نضجه.
4- عندما يتشرب الماء اغلقي النار ويقدم ساخنا.
ولاكتمال الطعم اللذيذ يؤكل فاهيتا الفراخ في السندويتشات مع المايونيز.

اقرء المزيد

كيف تتجنب من خلال طعامك على إرتفاع ضغط الدم

يعد ارتفاع ضغط الدم من الأمراض الواسعة الانتشار فى العالم، وتشير الإحصائيات إلى ارتفاع نسبة المصابين به فى الدول النامية، ومنها مجموعة الدول العربية، ووجد أن نسبة المهددين بالإصابة بارتفاع ضغط الدم بازدياد فى السعودية خاصة مع زيادة الوزن والسمنة بين الذكور والإناث

ويوضح لنا الدكتور وائل صفوت، مستشار الطب العام وأخصائى أمراض الباطنية والجهاز الهضمى أن هناك عوامل ذات علاقة بفرط ضغط الدم منها:

- زيادة الصوديوم فى الغذاء: فهناك اقتران واضح بين ارتفاع ضغط الدم بين أفراد المجتمع وزيادة كمية الملح المتناولة، وفى إحدى الدراسات حول ذلك، تبين وجود علاقة إحصائية بين ارتفاع ضغط الدم وكمية الصوديوم المطروح فى البول عند 10 آلاف شخص فى 52 مركزاً من مناطق متعددة من العالم، ووجد أن خفض تناول الصوديوم بحوالى ( 100مللى مكافئ) يومياً يؤدى إلى خفض ضغط الدم بمقدار 9 مللى زئبق. وبينت الدراسات أيضاً أن 5030% من المصابين بارتفاع ضغط الدم يستجيبون إلى تخفيض كمية ملح الطعام فى الغذاء.

- الوراثة: حيث تكثر الإصابة لدى أفراد بعض العائلات، مما يؤكد أهمية الدور الذى يلعبه العامل الوراثى.

- البدانة: من المعروف أن كل 10 كيلوجرامات زيادة فى وزن الجسم تؤدى إلى ارتفاع 6 مللى زئبق فى ضغط الدم.

- الكالسيوم: بينت الدراسات الوبائية وجود زيادة فى الإصابة بارتفاع ضغط الدم عند من يعانون نقص الكالسيوم.

- البوتاسيوم: لقد وجد فى الدراسات الوبائية أن المجتمعات التى تستهلك أطعمة نباتية غنية بالبوتاسيوم لا يعانى أفرادها كثيراً من ارتفاع ضغط الدم.

ويقول دكتور وائل حول النظام الغذاء فى حالات ارتفاع ضغط الدم:

أظهرت دراسة الأساليب الغذائية فى إيقاف ارتفاع ضغط الدم أن تخفيض استهلاك الصوديوم البالغ 8.4 إلى 6 جرامات من الملح، ومن ثم إلى 4 جم من الملح يومياً أدى إلى تخفيض مستويات ضغط الدم بشكل ملحوظ.

وكانت التوصيات الحديثة تتضمن نظاماً غذائياً يتكون من الخضروات والفواكه والحليب القليل الدسم والحبوب الغنية بالألياف وقطع بسيطة من اللحم الطرى ونسبة قليلة من الأملاح.

ولضمان خفض ضغط الدم يجب اتباع العادات الغذائية الصحية والتى من بينها:

-تجنب الأغذية الغنية بالدهون الحيوانية مثل اللبن كامل الدسم وجميع منتجاته من سمن وزبدة وقشدة، كريمة، وجبن، واللحوم الحيوانية والدهون.

-تجنب المأكولات السريعة الإعداد مثل البطاطا المقلية

-الإكثار من تناول الأسماك.

-الامتناع عن الزيوت النباتية المهدرجة وكذلك زيت النخيل وجوز الهند لاحتوائها على أنواع الدهون الضارة.

-التقليل قدر الإمكان من المأكولات المطبوخة بالزيت أو السمن (المقليات والمحمرات).

-استخدام الشوى أو السلق أو الفرن فى طبخ الطعام.

-الامتناع قطعياً عن الكبد والمخ واللحم.

-الإكثار من تناول الخضراوات والفاكهة بجميع أنواعها سواء الطازجة أو المطبوخة.

اقرء المزيد

شوربة كريمة الطماطم الخاصة

شوربة كريمة الطماطم الخاصة

علشان كلنا بنحب الشوربة وعلشان السوائل مهمة جدا بعد يوم صيام طويل

علشان كدة مهم جدا وجودها على السفرة لكن لازم ننوع علشان مانحسش بملل ودلوقتى شوربتنا هى كريمة الطماطم

طريقة عمل شوربة كريمة الطماطم

المقادير

صلصة الطماطم ,4 ملاعق كبيرة

دقيق ,2 ملعقة كبيرة

زبدة ,2 ملعقة كبيرة

ماء ,2 كوب

لبن كامل الدسم ,2 كوب

كريما ,0.25 كوب

مرقة دجاج , مكعب

ملح حسب الرغبة,

فلفل حسب الرغبة,

طريقة التحضير

- تُذاب الزبدة في إناء عميق على نار متوسطة .

- يُضاف الدقيق ويُقلّب حتى يصبح ذهبيّ اللون. 

- تُضاف صلصة البندورة ويستمر التقليب لمدة دقيقة تقريباً حتى يكون المزيج أملس بدون كتل. 

- تُضاف ملعقة كبيرة من الكريما وتُقلّبالمواد جميعها. 

- تُرفع عن النار ويُضاف اللبن تدريجياً و يُخفق حتى يصبح المزيج أملس، يُعاد إلى النار ويُضاف مكعب مرقة الدجاج والماء والملح والفلفل.

- يستمر في التقلب حتى يغلي ويمكن إضافة قليل من الماء إذا كانت الشوربة شديدة الكثافة. 

- تُرفع الشوربة من على النار و قبل التقديم مباشرة تُضاف الكمية المتبقية من الكريما إلى وعاء التقديم أو توضع ملعقة كبيرة منها في كل وعاء تقديم صغير

وبالف هنا وشفا تابعونا كل يوم وهنقدم لكم كل جديد فى عالم الطبخ

اقرء المزيد

بعمل كوبيبة شامى تجنن تعالوا اعرفوا سرها

بعمل كوبيبة شامى تجنن تعالوا اعرفوا سرها

السلام عليكم ورحمة الله وبركاته
اعزائى زوارنا الكرام تحية طيبة
النهارده هقولكم سر طبختى فى الكوبيبة الشامى هقولها لكم بالتفصيل ويارب تعجبكم لما تجربوها
المقادير:

• ربع كيلو لحمة مفرومة
• كاستين برغل ناعم
• حبة بطاطس متوسطة الحجم
• بصلة حجمها صغيرة
• ملح وفلفل
• كمون معلقة كبيرة
• سماق معلقة كبيرة

التحضير
اول خطوة تحطي اكياس البرغل في طبق عميق وتضيفي له البهارات وبعدين تحطي البطاطس بعد ما تقشريها في حلة ومية وملح وتسلقيها لحد ما تستوي
بعد ما البطاطس تستوي تحطيها فوق البرغل وشوية من المية بتاعتها وتروحي شايلة ثلت كمية البرغل وحاطاها في الخلاط العادي وتزودي مية البطاطس او من الحنفية بس مش كتير يعني بحيث ان الخلاط يقدر يلف وتفضلي تخلطي لحد ما يبقى زي الحمص
وبعدين ترجعي الكمية الي في الخلاط فوق الكمية الي في الصحن وتعجني وتشوفي لو عازت مي تضيفي بس هي تقريبا مش حتعوز الا شوية
وبعدين تعملي الحشوة الي هي عبارة عن اللحمة والبصلة وملح وفلفل شوية سماق وبهار مشكل
نيجي لاهم مرحلة وهي القلي لازم زيت ساخن جدا والمقلى تكون عميقة وبتسخني الزيت جدا وبتقلي على دفعات
وفى النهاية بالف هنا وشفى ويارب تعجبكم
والسلام عليكم ورحمة الله وبركاته
للمزيد من الوصفات تابعونا

اقرء المزيد

ازاى تعملى بلح الشام ويطلع حلو

ازاى تعملى بلح الشام ويطلع حلو

السلام عليكم ورحمة الله وبركاته

اعزائى زوارنا الكرام تحية طيبة

جبتلكم اليوم وصفة حلوه وهى طريقة عمل بلح الشام 

انا بعمل الوصفة بالطريقة وبطلع معايا حلو وكل اللى بيكلها بتعجبوا اوى واللى بيجربها بتطلع معاه حلوه اوى فقولت اقولكم عليها وتجربوها معايا .

المقادير :

•  8 ملاعق كبيرة زيت

• 1 ونص كوب دقيق

• 6 بيضات

• كوب من الشربات ودى طريقة عمل الشربات (1 ونص وبع سكر ؛ ثلاث أرباع كوب ماء ؛ ملعقه صغيرة عصير ليمون ؛ ماء ورد أو فانيليا)

•  1 ملعقه صغيرة فانيليا

• 1 كوب ماء 

• زيت غزير للتحمير

الطريقة بقى هتكون كده

اول حاجه هتعملى الشربات وهو انك هتدوبى السكر فى الماء وتحطية على النار لحد ما يدوب السكر خال وبعدين هضيفى عليه عصير الليمون وتسبيه على النار لحد ما يتقل شويه وبعدين تضيفى الفانيليا وتطفى النار عليه وتسبيه لحد ما يبرد

وبعدين هتجبى الماء والزيت فى الحلة وحطيها على النار وتسبيهم لحد ما يغلوا وبعدين تجى الدقيقة وتحطيه عليهم وتقلبىهم كويس حتى يكون شكله مثل الكرة وبعدين يرفع من على النار حتى يبرد الخليط نوعاً يضاف إليه البيض واحدة بعد وحدة إلى أن ينتهى البيض وتضاف الفانيليا

تقلب العجينه كويس وتدعك إلى أن تتماسك فاذا رفع جزء من العجين لأعلى بالملعقه تظهر العجينه على شكل منقار

توضع العجينه فى كيس الخاص بعمل بلح الشام

تدهن اليد اليسرى بالزيت ويضغط على الكيس باليد اليمنى لتخرج العجين على اليد اليسرى ويقص بمقص مدهون بالزيت عندما يصل طولها إلى حوالى 7 سم

تلقى القطع فى زيت غزير مقدوح وتتركـ إلى أن تحمر وتكرر العمليه إلى أن 

ينتهى المقدار

ترفع بمقصوصه وتوضع على ورقه شفافه لأمتصاص الزيت أو توضع على مصفاة

يغمر بلح الشام فى الشربات البارد ويرفع ويرص فى طبق ويقدم بارد

اقرء المزيد

فكره حلوه اوى لتجديد ثلاجتك

فكره حلوه اوى لتجديد ثلاجتك 

السلام عليكم ورحمة الله وبركاته

اعزائى زوارنا الكرام تحية طيبة 

جبتلكم النهارده موضوع حلو جدا عن تغير شكل الثلاجه 

ممكن التلاجه القديمة لونها يتغير او تصيبها البارومه او يحدث لها بعض الخدوش الو التطبيق فى اى جزء منها

طب الحل يكون ايه ؟؟؟

الحل 

فى انك تجيبى اللزق ده ( اسمه لازق رخام ) وده عبارة عن حاجه ما بين الجلد والمشمع وضهره بيلزق والوانه كتير واشكاله كتير وده بيتجاب من عند اى واحد بيبيع مفارش الثلاجات او اللزق بتاع الالوميتال المتر ب 3جنيه ونص بس  الثلاجه وش وجناب وسقف ممكن تأخد 3 متر ونص وبكده تكونى وفرتى ثمن ثلاجه جديده وكمان ممكن تختارى الوان واشكال تناسب المطبخ وبكده تكونى خليتى شكل المطبخ احلى  بثلاجه بشكل جديد لايقه على مطبخك وكمان سهله التنضيف وكمان هى مش بتسيب اثر على المكان اللى بتتلزق فيه يعنى متخفيش لما تشيله مفيش حاجه تتأثر بسبب لزقك ليه وكمان ممكن تحطى منه على الرخام او فى اى حته فى مطبخك وتكونى عملتى شكل مختلف فى المطبخ بالاضافه بقى انه سهل التظيف ومش متعب

وفى نهاية موضوعى اتمنى ان يكون فادكم ونال اعجباكم

والسلام عليكم ورحمة الله وبركاته

اقرء المزيد

لو مطبخ ضيق تعالى شوفى تعملى ايه

لو مطبخ ضيق تعالى شوفى تعملى ايه
السلام عليكم ورحمة الله وبركاته
اعزائى زوارنا الكرام تحية طيبة
جبتلكم اليوم موضوع عن لو مطبخك ضيق تعملى ايه علشان تستغلى مساحته افضل استغلال

بصوا ياستات
1- فى نافذة المطبخ حولى تخلى الشبابيك تتفتح الى الخارج لان الشبابيك اللى شكلها كده بتاخد مساحة اقل .
2- حولى ان تضعى فى مطبخك اى حاجه تلفت الانظار مثل حلل الوان بالوان زاهية فوشيا او فسفورى على سبيل المثال او اطباق كريستال علشان زوارك تلفتهم الحاجات دى اكثر من مساحة المطبخ
3- وزعى اضاءة فى مطبخك كويس علشان الاضاءة الزاهية الكويسة تعطى وسع للمكان عكس الاضاءة الباهته .
4- استغلى الاركان استغلال جيد وفيه تستطيعى انت تعملية اماكن تخزين
5- حوالى اثناء شراء مطبخك ان تكونى اخذه المقاسات مظبوطه وان تقولى لمصمم المطبخ ان يعملهولك طولى ان امكنه ذلك .
وفى نهاية موضوعى اتمنى ان يكون نال اعجباكم وان يكون فادكم .
والسلام عليكم ورحمة الله وبركاته

اقرء المزيد

بدمعى لما بتجى تبشرى البصل وعنيكى بتوجعك بعدها ؟ الحل هنا

 بدمعى لما بتجى تبشرى البصل وعنيكى بتوجعك بعدها ؟ الحل هنا
تعالوا شوفوا حلول لبعض مشاكل المطبخ

السلام عليكم ورحمة الله وبركاته

اعزائى زوارنا الكرام تحية طيبة

جبتلكم النهارده حلول لبعض مشاكل المطبخ

تعالة نعرف ايه المشكله والطريقة الجديده لحلها 

1- بيشتكوا من صعوبة غسيل الحلل اللى فيها بواقى الاكل لازق ؟؟ .. الحل بقى نزود الحلله شوية مياه ونحطها على النار تغلى شويه ولو عندك بيكربونات الصوديم حطى معلقة كبيرة عليها وهتلقى الحلل اسهل فى تنظيفها بعد الحركة دى .

2- بدمعى لما بتجى تبشرى البصل وعننيكى بتوجعك بعدها ؟؟؟ .. الحل لما تبدئى تطبخ انقعى كمية البصل اللى انتى محتاجها فى شوية مياه قبلها بنص ساعه وبعدين استخدميه .

3- لو عندك بيض مشروخ وعاوزه تسلقيه ومش عارفه تعملى فيه ايه ؟؟ .. الحل لفى البيضه فى ورق سلوفان ثم اسقطيها فى الماء المغلى

4- وفى اخر موضوعى احب انصحكوا انكوا تغيروا ليفة المواعين كل مدة بسيطة لان البكترايا بسرعه بتتراكم بين خيوطها لما بتستعمليها مدة طويله فحاولى مطوليش المده علشان ممكن تعمل تسمم الى افراد العائلة .

وفى النهاية اتمنى ان يكون موضوعى هذا قد نال اعجباكم وافادكم بأذن الله

اقرء المزيد

تعالوا اعرفوا تحلوا مشاكل البقع فى الملابس والسجاد ازاى

تعالوا اعرفوا تحلوا مشاكل البقع فى الملابس والسجاد ازاى 

السلام عليكم ورحمة الله وبركاته

اعزائى زوانا الكرام تحية طيبة 

جبتلكم النهارده حلول لمشاكل بقع الملابس والسجاد

بصوا بقى 

• بفرض ان السجاده وقع عليها مكياج زى روج ولا كريم اساس ولا اى مستحضر من مستحضرات التجميل تعملى ايه ؟؟؟ بصى تجيبى منظف الزجاج وترشى منه على المكان اللى عاوزه تنظفيه وبعدين تغسليها بالمياه والصابون وطبعا هتدعكى السجاده بفرشة الموكت وبعدين تنشفيها بفوطة 
• بالنسبة بقى لمشكلة الحبر على الملابس تحلوها ازاى ؟؟؟ هتجبى مثبت الشعر الاسبراى او البخاخ وتحطى منه على مكان الحبر وبعدين اغسليه ولا هتلقى اثر للحبر خالص 
• طب لو فى اللوان على غسيل اطفالك ؟؟ بصى هتحطى على الاجزاء اللى عليها الالوان خل او قطرات من عصير الليمون او الملح وان شاء الله مش هتلقى ليها اثر .

وفى نهاية موضوعى اتمنى ان اكون ساعدتكم بهذه المعلومات واتمنى ان تنول اعجباكم

اقرء المزيد

طريقة سحرية لتنظيف (( الفرن )) في المطبخ هتدعولنا

طرق تساعدك في تنظيف (( الفرن )) في المطبخ
تنظيف المطبخ هو من الأعمال الأساسية في البيت ,, وهو يحتاج للتنظيف يومياً ,

وخصوصاً (( الفرن )),, لانك تستعملينه بكثرة لتحضير وجباتك فيكون أكثر عرضة للإتساخ ,,

وهذه بعض الطرق لتساعدك في تنظيف فرنك بسهولة :

أنه لتسهيل عملية تنظيف الفرن يفضل تنظيف سطح الفرن من الطعام والسوائل المنسكبة عليه فوراً وإذا تعذر ذلك يمكن رش بعض الملح الخشن على الطعام المنسكب فذلك يجعل تنظيفه سهلا فيما بعد وتستعمل فرشاة لإزالة الطعام المحترق قبل تنظيف الفرن بالإسفنجة والصابون.

ورش الملح مفيد أيضاً للفرن من الداخل في حالة انسكاب الطعام داخل الفرن أثناء طهيه فبالإضافة لتسهيل عملية تنظيفه فيما بعد فإنها تخفف من الدخان المتصاعد نتيجة إحتراق الطعام أو يمكن وضع الورق الفضي على الرف السفلي حال إبتداء انسكاب الطعام داخل الفرن لحفظة نظيفاً.

- السطح الداخلي تحت عيون الغاز يجب تنظيفه باستمرار ومن الممكن وضع طبقة من الورق الفضي المستعمل بعد تنظيفه على الأماكن التي تتعرض كثيرا للاتساخ.

- لا تستعمل السلكة على سطح الفرن لتنظيفه لأنها تخدشه ولإزالة بقعة طعام محترق توضع بايكربونات الصودا وترطب بالماء وتترك حتى تتحلل البقعة مما يسهل تنظيف الفرن.

اقرء المزيد

تعالوا يابنات شوفوا كم فكرة لتوفير مجهودك فى المطبخ

تعالوا يابنات شوفوا كم فكرة لتوفير مجهودك فى المطبخ
السلام عليكم ورحمة الله وبركاته
اعزائى زوانا الكرام تحية طيبة

جبتلكم اليوم يابنات شوية افكار هتعجبكم اوى بأذن الله
بصوا بقى
1- لما بنيجى نعمل فراخ بانية او بوفتيك بالبقسماط بنحط البقسماط فى طبق .. بصوا حطوا البقسماط على كيس بلستك واعملى الفراخ او البوفتيك عليها وبعدين لمى الكيس اللى عليه باقى البقسماط وارمية وبكده نكون وفرنا الطبق اللى ممكن نغسله وكمان تجنبا اسداد الحوض من باقى البقسماط .
2- لما بيقع شوية زيت على الارض بنجيب القماشة وبنمسحها ... طب جربو دى رشوا عليه شوية ملح وسبوا شويه دقيتين تلاته مش كتير وبعد شويه اكنسية بالجروف وهتشوفى النتيجه اللى مش ممكن تتوقعيها .
3- لو فى مكان عندك فى الشقه رحته مش حلوه حطى حته من الفحم فى طبق بلاستك جمبه زى التلاجه او الجزامه او مكان الخزين ( توم وبصل ) وشفى النتيجه هتسحبكل الروائح اللى مش عجباكى .
4- لو وانتى بتكسر البيض وقع منه شويه على الرخامه او على الارض متروحيش تجبى قماشة المطبخ وتمسحيها بيها وكذلك اللبن بردو .. طب تعملى ايه ؟ .. روحى هاتى منديل ورق وامسحى بيه اللى اتكب ليه بقى ؟ علشان القمشه لما بتمسحيها باللبيض او اللبن حته بعد ما بتغسليها بتكون رحتها مش حلوه
وفى نهاية موضوعى هذا اتمنى ان يكون قد نال اعجباكم وانتظرونى فى افكار جديده 

اقرء المزيد

نصيحة علشان تنظفى الحلل المحروقة وعيون البوتاجاز

نصيحة علشان تنظفى الحلل المحروقة وعيون البوتاجاز
اعزائى زوارنا الكرام
تحية طيبة
جبتلكم اليوم نصيحه هتعجبكم جدا بأذن الله لو جربتوها طبعا كلنا ياما حرقنا فى الحلل ولو عملنا عزومه ولا حاجه بنلقى البوتاجاز اسود والعيون ساعات بيجى عليها زيت او سمنه ومع حرارة البوتاجاز بيلزق فيه ويسود بس انا النهارده جيبلكم طريقة سهله وبسيطه علشان ننظف بيها الحلل وعيون البوتاجاز بصوا انا بقئيت بحتفظ بقشر الليمون علشان بنظف بيه بجمعه فى كيس واحطه فى التلاجه يعنى استخدم الليمونه فى الاكل وبعدين اشيل اشرتها ولما بحب انظف عيون البوتاجاز بجيب حله كبيره واحط فيها قشر الليمون وشوية خل وومياة سخنه وانقعهم فيها طبعا يفضل يتعمل الموضوع ده باليل علشان تبقى خالصتى الشغل على البوتاجاز وتسبيهم لحد الصبح وبعدين تجبى سلك المونيا وتدعكى كده هتلقى كل الدهون بتروح بمنتهى البساطه من غير مجهود كبير ونفس الكلام بردو فى الحلل المحروقه هتلقى نتائج مذهلة شوفوا عندى الوصفه دى عملت ايه

دى لما اتحرقت

شوفوا بقى الفرق بعد الحريق :)

شفتوا الفرق ؟؟؟

وادى عيون البوتجاز قبل وبعد سوه

يلا بقى اللى عندها حلة حرقتها وركنتها ولا عيون بوتاجاز باظت منها تجرب الوصفه وتقولى ايه الاخبار 

اضغط على الصورة التاليه لمشاهدة للمزيد

اقرء المزيد

لو عندك عجينه ومستعجله عليها وحبه تخمر بسرعه تعملى ايه ؟؟؟؟ الحل هنا

لو عندك عجينه ومستعجله عليها وحبه تخمر بسرعه تعملى ايه ؟؟؟؟ الحل هنا
اعزائى زوارنا الكرام
تحية طيبة
جبتلكم النهارده وصفه جناااااااااااااااااااااااااان طبعا كتير مننا بتعمل مخبوزات والعجين بأخذ وقت كتير على ما بيخمر بس من النهارده مش هياخذ معاكم وقت تانى بالكتير نص ساعه
وانتى بتحضرى العجين افتحى الفرن يسخن وبعدين طفى الفرن لما يسخن ولما تخالصى العجينه غطيها كويس اوى بكيس بلاستك وبعدين تدخليها الفرن هيكون الفرن بقى دافى وحرارته هتساعد الخميره تتفاعل بشكل اسرع والعجينة هتكون الضعف فى فتره صغيره بس متنسيش يبقى الفرن دافى مش سخن اوى وكمان العجينه تبقى مغطيها كويس علشان متنشفش
وادى صوره العجينة قبل وبعد التخمير بالطريقة دى وعلى فكره بقى يابنات دى بعد ربع ساعه بس

يارب الطريقة تعجبكم واللى تجربها تقولى اية الاخبار عجبتها ولا ايه ؟ وان شاء الله هتعجبكم اوى 

اقرء المزيد